Ek Bhooli Hui Diary Jo Tumhari Pehchaan Chura Leti Hai – Full Horror Story

Mera naam Raghav hai, aaj main aapko ek aise kahani sunane jaa raha hoon jo na kabhi kisi ne suni hai na kabhi sunna chahega. Yeh kahani hai ek raat ki, ek jagah ki jiska naam lena bhi logon ne chhod diya hai. Jahan har saans mein maut chhupi hai, jahan har awaaz andheron se bhari hai. Sab kuch shuru hua ek purani diary ke milne se, jisko maineapne school ki library ke ek kone mein pada hua paaya. Jab maine Diary uthaye to uspe khoon ke daag the, aur pages puri tarah phate hue the. Lekin pehla lafz jo likha tha, woh tha: "Tum aa gaye, ab laut nahi sakte." Us waqt mujhe hasi aayi, socha kisi ne mazaak likha hoga. Lekin jaise jaise mein pages palatte gaya, har page pe kuch aisa tha jo mujhe ek alag ki khauf ki taraf lekar jaa raha tha. Chehre ke sketch the, lekin aankhen khoon se bhari hui thi. Ek page pe likha tha: “Main abhi bhi yahin hoon.” Mujhe curiosity hui, maine diary uthayi aur ghar le aaya.Yahi mere zindagi ki sabse badi galti thi. Us din ke baad meri zindagi kabhi normal nahi rahi. Raat ko jab main soya, mujhe awaaz aayi – koi dheere se mera naam le raha tha. "Raghav... Raghav..." Maine aankh kholi, toh dekha mera darwaza khula tha. Maine socha main toh clearly band karke soya tha. Main utha, light on ki... lekin light chali gayi thi. Usi andhere mein, maine dekha ek silhoutte – ek aadmi jiska chehra hi nahi tha. Wo mere kareeb aa raha tha, bina pair chale. Har kadam pe zameen tharthara rahi thi. Main chillaya, lekin pata nahi mere awaaz hi nahi nikal rahi thi. Main diary ki taraf bhaaga, shayad usmein kuch likha ho is sab ke baare mein. Aakhri page pe tha: “Tumne jo khola hai, usse band karna ab possible nahi.” Agle din, meri aankh khuli, toh mere haathon pe nakshe bane hue the. Jaise kisi ne khudayi ki ho. Har raat, ek naya nightmare. Har sapna, ek naye mazak ka darwaza. Lekin dar yeh nahi tha... dar toh tab laga jab sapne real hone lage. Ek raat mujhe apne room ke kone mein kuch hilta hua dikhai diya. Maine torch se dekha, toh wahi aadmi jiska chehra nahi tha – lekin ab uske haath mein mera chehra tha. Maine police ko bulaya, lekin jab wo aaye, unhone kaha – “Yahan toh koi ghar hi nahi hai.” Main pagal ho raha tha... ya shayad woh cheez meri reality ko chura raha tha. Har din diary ke naye page khud likhe milte the. "Raghav ab yeh teri kahani nahi... tera azaab hai." Maine diary jala di. Lekin agle din woh mere takiye ke neeche thi, ek nayi line ke saath: "Jalne wale hum nahi, tu hoga." Main shehar chhod kar gaon chala gaya. Lekin raaste mein ek chhoti ladki mili, usne sirf ek baat boli – “Aap bhi diary waale ho?” Mujhe laga, main chhod chuka hoon sab. Lekin wahan ki raat aur bhi zyada bhayanak thi. Har raat mujhe wahi awaaz sunayi deti thi – “Ab tu mera hai.” Main ne ek tantrik se sampark kiya. Usne kaha, “Yeh koi aatma nahi... yeh ek bhookhi yaad hai.” Main poochha kya matlab? Usne kaha, “Yeh diary jise bhi milti hai, uske jeevan ki saari yaadein, uski pehchaan, sab kha jaati hai. Tu zinda hai lekin tu Raghav nahi raha.” Us din se main har aaine mein apna chehra alag dekhta hoon. Main likhta hoon diary mein... lekin likhne ke baad yaad nahi rehta kya likha. Shayad main bhi ab unmein se ho gaya hoon. Kal mere dost Raj ne diary chhuli. Aaj wo gayab hai. Uske room mein sirf ek line mili: “Agla number tera hai.” Aaj raat fir se awaaz aayi: “Raghav... naya mehmaan aa gaya.” Main sochta hoon sab kuch khatam kar doon, lekin mere haath mere control mein nahi. Mere pair mujhe wahi le jaate hain jahan andhera sabse gehra ho. Main likhna chhodna chahta hoon... lekin likhta rehta hoon. Aisa lagta hai main diary ka hissa ban gaya hoon. Main bolta hoon toh awaaz meri nahi lagti. Mere aas paas log kahete hain, Raghav toh teen mahine pehle mar chuka tha. Toh phir main kaun hoon? Main kis se baat kar raha hoon? Kya yeh kahani hai ya kisi aur ki maut ki dastaan? Main sirf itna keh sakta hoon... agar tum yeh kahani padh rahe ho, toh diary ne tumhe chuna hai. Ab waqt aagaya hai tumhare sapno mein us chehre ke bina aadmi ke aane ka. Darwaza mat band karna... woh sirf andar se hi khulta hai. Jab tum andhera mehsoos karo... yaad rakhna, tum sirf akela nahi ho... main wahi hoon, tumhare peechhe...