Laal Darwaza Jo Aaina Mein Dikhta Hai

Mera naam Raghav hai aur aaj jo main batane jaa raha hoon, shayad aapko ek kahani lage. Shayad aap soche ke main overreact kar raha hoon ya dramatize kar raha hoon, lekin meri kasam, main har alfaaz jo keh raha hoon wo maine jiya hai. Mere saath hua hai. Main horror videos banata hoon, YouTube pe. Real haunted jagah, paranormal investigate, kuch thrill aur dar mix karke. Log kehte the meri videos scary hoti hain, par... sach kahun to mujhe khud darr mehsoos hona band ho gaya tha. Har haveli, har kabristan ek jaise lagne lage the. Bas ek hi cheez chahiye thi — kuch real. Kuch aisa jo mere ragon mein thandak bhar de. Ek din raat ke 12 baje mujhe ek email aayi. Sender unknown tha. Subject line mein likha tha: "If you want something real, film the Red Door. Alone. After midnight." Neeche ek photo lagi thi — ek purani haveli ka laal darwaza, jisme kuch beh raha tha jaise khoon tapak raha ho. Main thoda confuse ho gaya. Fake laga pehle. Par jab screen par us darwaze ko zoom kiya, mujhe laga uske beech mein ek aankh hai. Aur wo aankh blink kar rahi thi. Mujhe laga mere dil ka waham hai, par next din jab main ne usi image ko apne phone pe dekha aankh waha bhi blink ki. Ab ye coincidence nahi lag raha tha. Main ne thoda research kiya, aur mujhe ek purana map mila, jisme Rajasthan ke Banswara ke paas ek chhota sa area marked tha — bina naam ka. Logon ke forums pe sirf ek chhoti si line thi: "Don't go there unless you're already broken." Main chala gaya. Jeep uthayi aur raat ke 1 baje nikal gaya. Jaise-jaise jungle ke paas pahucha, sab kuch badalne laga. Network chala gaya, compass spin kar raha tha, aur GPS freeze ho gaya. Mujhe bas yaad hai, ek point pe jungle ka rasta khud se open ho gaya jaise mujhe welcome mil raha ho. 2:58 baje, main haveli ke samne tha. Haveli ek dum zinda lag rahi thi. Pura structure hil raha tha halki awaaz mein — jaise koi uske andar saans le raha ho. Aur sabse ajeeb baat thi wo laal darwaza... usme se halke-halk mein awaaz aa rahi thi — jaise koi chhoti bachchi keh rahi ho: "Andar aao na..." Main camera on kiya. Record button dabaya. Par screen flicker kar gayi. Flashlight on ki, darwaza khola. Thandi hawa nahi, garm hawa aayi andar se — jaise kisi ne abhi-abhi chulha bujhaya ho. Main andar chala gaya. Andar jaake jo mehsoos hua.wo describe karna mushkil hai. Har deewar se cheekh nikal rahi thi. Pehle dheere, phir tez. Har step pe aisa lagta tha jaise zameen ke neeche kuch zinda ho. Ek kamra tha jisme sirf photo frames the. Har photo mein ek insaan tha... sabke chehre blur the. Par sabki aankhen laal thi. Bright blood red. Aur sab mujhe ghoor rahe the. Jaise mujhe jaante ho. Tabhi mujhe kisi ke chalne ki awaaz aayi. Main jhuk gaya. Camera us direction mein ghumaya. Ek ladki thi — sirf unglion ke bal chal rahi thi. Pair nahi chho rahe the zameen ko. Sir upar ki taraf ghooma hua, aur uske aankhen seedha mere camera mein. Main camera gira ke bhaagne laga. Lekin haveli ka rasta badal gaya tha. Jidhar se aaya tha, udhar ab ek aur darwaza tha — usse bhi zyada laal. Us par kuch likha tha... khoon se: "Tera asli chehra yahaan hai." Main chillaaya. Bhaag ke ek kamre mein chhup gaya. Andar ek aaina tha. Jab usme dekha, to jo reflection dikha wo main nahi tha.Same chehra par aankhen laal. Honth pe smile. Haath mein blade Reflection ne mujhe dekha aur bola: "Tu sirf ek bacha hua jism hai. Main andar se tu hoon." Us moment ke baad mujhe yaad nahi kya hua. Hosh aaya to main jungle ke bahar tha. Mere paas camera tha, lekin usmein koi recording nahi thi. Sirf ek image thi — laal darwaza... aur reflection mein main, par aankhen laal. Tab se raat ko main aaine mein dekhta hoon to kabhi kabhi mera reflection blink nahi karta.Aur haveli.ab bhi wahi hai.Har full moon ko ek naya email jaata hai kisi naye Raghav ko.Shayad agla tum ho.